Дарыгер Яна Батыркуловна тууралуу жалган маалымат тараткандар жазага тартылабы?

Буга чейин «Чындык медиа» сайтынын инстаграм баракчасына Улуттук онкология борборунун мамолог дарыгери Карабаева Яна Батыркуловна тууралуу маалымат чыккан. Анда Даяна Эшимканова аттуу айым Яна Батыркуловна тууралуу жалган маалымат бергендигин айтып, аталган дарыгердин колунан операция болуп, учурда саламаттыгы жакшырган бейтаптар биздин редакцияга кайрылды.

«Бишкектеги Онкология борборунун дарыгери Карабаева Яна Батыркуловна тууралуу жалган маалымат тарап жатканын көрүп, биз анын колунан айыгып чыккан бейтаптар жөн отура алган жокпуз. Бул боюнча Саламаттыкты сактоо министрине да кайрылуу жаздык. Биздин кайрылуубуздун себеби, Яна Батыркуловна тууралуу жалган маалымат тараткан Даяна Эшимканова аттуу жаранга мыйзам чегинде чара көрүлүшүн каалайбыз. Себеби биз билгенден Яна Батыркуловна өз ишин мыкты билген дарыгер. Бейтаптарга ар дайым жакшы мамиле кылып, өзүнүн кесипкөйлүгү менен биздин айыгып кетүүбүзгө жардам берген. Биз анын колунан айыгып, азыр өзүбүздү жакшы сезип жүрөбүз.Акча алат деп жазыптыр. Бул биздин оюбузча болбогон жалаа. Акча сурап же ачкөздөнгөнүн биз байкаган да, көргөн да эмеспиз. Бардыгын өз чегинде аткарып, дарылануу суммасы кассага төлөнчү.Анан да аталган оорукананын жетекчилиги бул көрүнүшкө реакция кылбаганы бизди таң калтырды. Эмне үчүн өз кызматкери тууралуу жалган маалымат тарап жатса аны коргобойт? Бул деген бир гана дарыгердин эмес, оорукананын жетекчилининин да аброюна шек келтиргендик болуп эсептелет эмеспи.Ошондой эле, Яна Батыркуловнанын жеке жашоосуна асылганы бул өтө туура эмес. Этикага жатпайт жана далилсиз маалыматтар менен жазуу жана аны чыгаруу бул өтө мыйзамсыздык.Мындай жалган маалыматты тактабай туруп чыгаргандар жазалансын!

Биз аталган маалыматты чыгарган «Чындык медиа» сайтына да кайрылдык. Алар тараптан жооп боло элек»,-деп жазышкан.