Жоокерлерди “сатууга” шектелген командир менен дагы эки адам кармалды. Маалыматты Спутник кж жазды.
Кой-Таштагы №73809 аскер бөлүгүнүн командири менен бирге ыкчам бөлүмдүн башчысынын жардамчысы жана жоокерлер иштеген заводдун коопсуздук кызматынын башчысы кармалган. Алар 2024-жылдын 18-февралына чейин СИЗО-1ге киргизилгени маалым болду.
Кечээ Коргоо министрлигинин бөлүмдөрүнүн биринин командири жоокерлерди сатууга шектелип жатканы айтылган. Тергөөнүн маалыматы боюнча, ал томат чыгаруучу заводго мыйзамсыз 12 жоокерди ишке орноштуруп, бул үчүн акча алган.