Эфиопиялык Мурси уруусунун кыздары сулуу болуу үчүн астыңкы эринди чыгарышат. Ал үчүн кыз 15-18 жашка чыкканда энеси же башка уруудан келген аял кыздын астыңкы эрин бычак же жебе менен кесип, таякчаны сайып коет.
Кийинчерээк ал чопо же жыгач табак менен алмаштырылат. Алгач башында кичинекей табак, анан убакыттын өтүшү менен чоңураак табакка алмаштырылат. Кээде мындай жасалгалардын диаметри 12-15 сантиметрге жетиши мүмкүн. Дискти астыңкы тиштерге басып калбаш үчүн, астыңкы 3-4 тиштерди сууруп салышат. Дисктерди тамактануу учурунда же жатар алдында алып салууга болот.
Диск канчалык чоң болсо, аялдын социалдык абалы ошончолук жогору болот жана үйлөнүү тоюна чейин төлөнүшү керек болгон кун да ошончолук көп болот деп айтылат. Бирок, көптөгөн мурси кыздары эрдин кесе электе эле турмушка чыккан учурлар болот. Мындан тышкары, ооздогу диск жашты көрсөтө алат деген пикир бар — диск канчалык чоң болсо, аял ошончолук улгайгандыгын билдирет.
Мындай адаттан тыш салттын түшүндүрмөсү бар. Мурсилер жаман рухтар адамдын оозу аркылуу кириши мүмкүн деп эсептешет. Эриндин ичиндеги диск буга тоскоол болот деп ойлошот алар. Эркектер да мындай кооздуктун жардамы менен алар башка уруудан чыккан бирөө аялдарын уурдап кетүү ыктымалдыгын азайтат деп эсептешет.
