Чүй облусунун Токмок шаарына жакын жердеги «Bishkek Petroleum» май куюучу жайынын боюнда жол кырсыгы орун алды. Бул тууралуу окунын күбөлөрү билдиришти.
Чүй ОИИБдин басма сөз кызматы маалыматты тастыктап, кырсык 2024-жылдын 6-июль күнү болгонун кабарлады.
Бишкек-Нарын-Торугарт айланма жолунун 62-чакырымында «Nissan Primera» үлгүсүндөгү унаа аталган май куючу жайдын тосмосун сүзүп, оодарылып кеткен. Натыйжада 1993- жылы туулган М.А., жана 1992-жылы туулган М.Д. жаран денесинен ар кандай жаракат алып, Токмок шаардык дарыгерлердин жалпы практикалык борборуна кайрылышкан.
