«Камкордук» рейди — муктаждарга жардам көрүү аракети.
Ак-Суу райондук ички иштер бөлүмүнүн балдар иштери боюнча инспекциясынын тескөөчүлөрү тийиштүү мамлекеттик органдардын өкүлдөрү менен биргеликте жаш өспүрүмдөр тарбияланып жаткан убактылуу социалдык оор абалга кабылган үй-бүлөлөргө кам көрүү жана колдоо көрсөтүү максатында «Камкордук» рейдин өткөрүштү.
«Камкордук» рейди — аймактагы жашоочулардын социалдык аярлуу катмарынын бардык жагдайларын изилдөөгө багытталган иш-чаралардын кеңири чөйрөсүн камтыды. Милиция кызматкерлери калкты социалдык жактан тейлөө кызматкерлери менен бирдикте, жергиликтүү тургундардын жашоо шарты менен жеринде таанышып чыгуучу бригадаларды уюштурган. Муктаж болгон үй-бүлөлөргө керектүү жардамдар көрсөтүү максатында, алардын айткан көйгөйлөрү дыкат угулуп чыкты.
Рейддин жүрүшүндө Ак-Суу районунун аймагында социалдык оор абалда жашаган 15 үй-бүлө аныкталып, анын ичинен 7 үй-бүлө Ак-Суу РИИБдин балдар иштери боюнча инспекциясынын тескөөчүлөрү тарабынан каттоого алынды. Бардык аныкталган фактылар боюнча райондук милиция тиешелүү чараларды көрүү үчүн тийиштүү мамлекеттик органдарга маалымат беришет.
«Өткөрүлгөн «Камкордук» рейди мамлекеттик органдардын калкыбыздын алдындагы тилектештигинин жана социалдык жоопкерчилигинин жакшы үлгүсү болуп калды. Мындай рейддер жарандарыбыздын турмушун гана жакшыртпастан, коомдо милицияга болгон ишенимди бекемдетип, Ак-Суу районунун бардык тургундарына бакубат шарт түзөөрүнө ишенебиз», — дейт райондук милициянын башчысы. Денис Аманов.
