архивдик сүрөт
Садыр Жапаров Баткен облусуна болгон иш сапарынын жүрүшүндө Кыргызстан, Тажикстан жана Өзбекстандын чек аралары кесилишкен аймактагы “Достук” эл аралык соода-экономикалык паркынын долбоору менен таанышты.Президентке долбоордун башкы планы көрсөтүлүп, ал аймакта административдик, логистикалык, өндүрүштүк, коммерциялык жана туристтик зоналарды камтыган заманбап комплекс курулары маалымдалды. Жалпы аянты 100 гектарды түзгөн парк соода жана инвестициялык мүмкүнчүлүктөрдү кеңейтүүгө багытталган.Долбоор ишке ашса, 5 миңден ашуун жумуш орундары түзүлүп, чек ара аймагындагы соода жүгүртүү көлөмү өсөрү күтүлүүдө. Ошондой эле туристтик инфраструктураны өнүктүрүү жана эл аралык маданий иш-чараларды өткөрүү пландалган.Мамлекет башчысы мындай демилгелер үч өлкөнүн кызматташтыгын бекемдеп, аймактык туруктуулукка жана экономикалык өнүгүүгө өбөлгө болорун белгиледи.Сары-Жазда эки көпүрө курулууда, өзгөчө кырдаалдар министри иштин жүрүшүн текшердиКанатбек Чыныбаев Ысык-Көл облусуна жумушчу сапары менен барып, бир катар объектилердеги курулуш иштеринин жүрүшү менен таанышты.Алгач министр Ананьево айылындагы жаңы өрт-куткаруу бөлүгүнүн курулушун текшерди. Өз сөзүндө ал курулуш иштеринин сапатын жогорулатуу, өрт өчүрүүчүлөр үчүн ыңгайлуу шарттарды түзүү жана бөлүнгөн каражаттарды максаттуу пайдалануу зарылдыгын баса белгиледи.Андан соң жумушчу сапар Сары-Жаз өрөөнүнө уланды. Бул аймакта Өзгөчө кырдаалдар министрлиги Сары-Жаз дарыясы аркылуу эки көпүрө куруп жатат.Маалыматка ылайык, бул көпүрөлөр стратегиялык мааниге ээ болуп, Түп району менен Ак-Суу районунун жайыт аймактарын байланыштырмакчы. Ошондой эле алар аймактагы туристтик маршруттарды өнүктүрүүдө маанилүү роль ойнойт.Сапардын жүрүшүндө министр курулуш иштерин жеринде көрүп чыгып, алардын темпин тездетүү боюнча тиешелүү тапшырмаларды берди.Бишкекте «Кызыл гвоздика — муундардын эс тутуму» аттуу гала-концерт өттү Бишкек шаарында көркөм өздүк чыгармачылык боюнча XXV ачык шаардык фестиваль-сынактын «Кызыл гвоздика — муундардын эс тутуму» аттуу гала-концерти болуп өттү. Бул тууралуу шаардык мэриядан билдиришти. Иш-чарага Бишкек шаарынын мэриясынын Маданият башкармалыгынын башчысы Назгүл Мекешова катышып, куттуктоо сөзүн сүйлөдү. Ал фестивалдын маданий мурастарды сактоодо жана муундардын уланышын камсыз кылууда мааниси чоң экенин белгиледи. Салтанаттуу бөлүктө сынактын жеңүүчүлөрү жана байге ээлери сыйланып, катышуучуларга дипломдор жана ардак грамоталар тапшырылды. Иш-чара чыгармачыл жамааттардын катышуусунда өткөн гала-концерт менен жыйынтыкталды.70 жаштагы ардагер, милициянын отставкадагы генерал-майору Кемелбек Киязов Баку шаарында өткөн эл аралык марафондо 70+ жаш категориясында биринчи орунду ээледи. Маалыматка ылайык, 42,2 чакырым аралыктагы марафон 3-май күнү өтүп, ага дүйнөнүн ар тарабынан 26 миңден ашуун спорт сүйүүчү катышкан. Белгилей кетсек, Киязов буга чейин да эл аралык мелдештерге активдүү катышып келет.
