2024-жылы Бишкекте мугалимдерге делген үй салынышы мүмкүн
Билим берүү жана илим министри Каныбек Иманалиев бул үчүн министрликтин карамагындагы кампа үчүн колдонулган жер белгиленип, азыр жерди трансформациялоо процесси жүрүп жатканын айтты.
“Ушул жылдын аягына чейин долбоорлор түзүлүп, эмдиги жылы балким ипотекалык, же Сауд Арабиясынан келген акчанын негизинде жеңилдетилген насыя менен мугалимдерибизге үй салууга киришип калабыз деген үмүт бар”, — деди Иманалиев.
Ал ошондой эле кийинки жылы долбоор бүтүп калса мугалимдер үчүн пансионаттын курулушу башталарын билдирди. Буга 1 гектар жер каралып жатканын айтты.