Таласта атасы талаага таштап кой кайтарып жүргөн 10 жашар бала эсиңиздеби?
Соцтармакта баланын окуясы катуу талкууга алынып, атайын комиссия да түзүлгөн.
Милиция бала Арчагул айылындагы мектепте окуй турганын, ал айылдан 20-25 чакырым алыстыкта жайгашкан сарайда таенеси менен кошо жашарын аныктаган. Кийин Бектурган Бишкектеги мектептердин бирине которулган. Бала буга чейинки маектеринин биринде милиция болууну кыялданарын айткан. Аны уккан ИИМ Бектурганды чакырып, билим күнүнө карата ага министрдин атынан белек тапшырды.
