Үч-Коргон ГЭСинде №4 гидроагрегаттын статору ийгиликтүү алмаштырылды

«Электр станциялар» ААКтын филиалы тарабынан Үч-Коргон ГЭСинде реабилитациялоо долбоорунун алкагында №4 гидроагрегаттын статору чогултулуп, ордуна ийгиликтүү орнотулду.

Энергетика министрлигинен билдиришкендей, бул өз учурунда долбоорду бүтүрүүдө орчундуу кадамдардын бири болуп саналат. Бүгүнкү күндө Үч-Коргон ГЭСинин 4-ГАсынын эски жабдууларын демонтаждоо иштери толугу менен бүтүп, монтаждоо жумуштары аткарылууда. Учурда ГЭСтин № 4 ГАсын реконструкция жумуштарынын 65 % бүттү.

Ошону менен бирге бүгүнкү күндө төмөнкү жумуштар аткарылууда:

• роторду чогултуу боюнча жумуштар;
• ротордун темирин чогултуу;
• багытточу машинанын пышактарын орнотуу боюнча даярдык иштери;
• Т2 трансформаторун орнотуу иштери;
• Өрт өчүрүү жана муздатуу системасынын түтүктөрүн орнотуу, ток өткөргүчтөрдү монтаждоо, авариялык дренаждык резервуарды орнотуу;
• электр кабелдерин тартуу;
• кабелдик лоток боюнча иштер жүргүзүлүүдө;

Эске салсак, долбоордун негизги максаты:

• физикалык жана моралдык жактан эскирген жабдууларды алмаштыруу жолу менен ГЭСти калыбына келтирүү;
• рлектр механикалык генерациялоочу жабдууларды (кубатын 20%ке чейин жогорулатуу менен) жана ГЭСтин гидротехникалык конструкцияларын алмаштыруу;
• Реконструкция долбоору ГЭСтин иштөө мөөнөтүн узартып, элибизди үзгүлтүксүз электр энергиясы менен камсыздоо максатта аткарылууда.

Белгиленгендей, модернизациялоо долбоору ийгиликтүү ишке ашса ГЭСтин жалпы кубаттуулугуна кошумча 9 МВт кошулуп, № 4 ГА күз-кыш мезгилине ишенимдүү иштеп берет.

Үч-Коргон ГЭСин реабилитациялоо долбоорунун алкагында аткарылып жаткан жумуштар декабрь айында аяктайт.