Анын урматына филиал өзүнүн аянтчасын кеңейтип, юридикалык жактарды тейлөө үчүн өзүнчө зал ачты. Анда ESG-ыкмалары менен туруктуу өнүгүүгө басым жасалган. Жаңы бизнес-зал кардарларга бир эле жерден кызматтардын бардык түрү менен кеп-кеңештерди алышына шарт түзөт, муну менен ал экологиялык стандарттардын жогорку деңгээлин сактап калат.
«Биз эки жыл ичинде жөн гана кеңейген жокпуз, сервис жаатында да чоң өсүштөр болду. Бизнес-залды ачуу – биздин миссиябыздын уландысы: бизнес үчүн комплекстүү чечимдерди сунуштоо, кардарлардын өнүгүүсүн колдоо жана туруктуулукту камсыздоо», — деди филиалдын директору Салима Байтокова.
ESG-ыкманы ишке ашыруучу пилоттук филиал: кеңседен экосистемага
«Bakai Bank Green» банктын алгачкы “жашыл” бөлүмү болду, анда ESG-принциптери – көмүртек зыянын азайтуу, энергонатыйжалуулукту жогорулатуу, энергиянын жаңыланган булактарына өтүү ишке ашырылат. 2026–2027-жылдардын жыйынтыгы боюнча, бул жааттагы тажрыйба башка аймактарга да жайылтылат.
Экология жана социалдык жоопкерчиликке басым жасаган атайын продуктулар:
* Жашыл насыялар — электромобилдерди, энергонатыйжалуу техникаларды сатып алуу жана экологиялык натыйжа бере турган долбоорлорду ишке ашырууга.
* Социалдык продуктулар – ишкер аялдар үчүн атайын программа, ипотека боюнча төмөндөтүлгөн чен, жогорку кирешелер менен пенсиялык жана балдар депозиттери.
* Каржылык аяр топтор үчүн — пенсионердин акысыз карталары, дарыканаларда 5%га чейин кешбэк, депозиттер боюнча пайдалуу чендер.
Филиал ичиндеги ESG-маданият:
Филиалдын кызматкерлери “геймификацияланган” ESG-системасына активдүү тартылган, ай сайынкы демилгелерди ишке ашыруу үчүн сыйлык, бонустарды алышат. Команда байма-бай тренингдерден өтүп, бул тармактагы конференцияларга катышып турат. Банк өзүнүн тарыхында биринчи жолу туруктуу өнүгүү боюнча отчет даярдоодо, ал ESG-тажрыйба боюнча жылдык отчетко негиз болот.