Канаттын кагылышы , мезгилдин чагылышы.
Жол милициясы жүргүнчүнү айылына жеткирбей койгон таксистти жазалады. Маалыматты ЖКККББнын басма сөз кызматы билдирди.
Маалыматка караганда, Telegram группалардын биринен айдоочу менен байланышып, апасы, жубайы менен Таластын Чолпонбай айылына жол тартып, бирок жерине жетпей калган жүргүнчүдөн арыз түшкөн. Айдоочу жол кире алып, айылга жеткирерин убадалаган, бирок жүргүнчүлөрдү таңга маал, суукка карабай Таластын борборуна таштап кетип калган.
Убадага турбаган таксист 3 миң сом айыпка жыгылып, унаасы мурда төлөбөй жүргөн айып пулдары үчүн айып короо жайына киргизилди.
Мындан улам ЖКККББ жүргүнчүлөрдү автобекеттерден гана жолго чыгууга чакырат.
