Канаттын кагылышы , мезгилдин чагылышы.
Түп районунун Талды-Суу айылында 220 орундуу маданият үйүнүн курулушу аяктоодо. Бул тууралуу Архитектура, курулуш жана турак жай-коммуналдык чарба мамлекеттик агенттигинин басма сөз кызматынан билдиришти.
Маалыматка ылайык, имараттын курулушу Мамкурулуш агенттигинин алдындагы Турак жай-жарандык курулуш департаменти тарабынан жүргүзүлүп жатат жана үстүбүздөгү жылы пайдаланууга тапшыруу пландалууда.
Белгиленгендей, объекттин курулушу республикалык бюджеттин эсебинен 2019-жылы башталган. Курулуш иштери дээрлик 85%га аяктап калды, учурда айланасын көрктөндурүү иштери жүргүзүлүүдө.
