Канаттын кагылышы , мезгилдин чагылышы.
Бишкек – Ош жолундагы Төө-Ашуу ашуусунда эки коомдук даараткана салынат. Аларды кура турган компанияны аныктоо үчүн тендер жарыяланды.
Дааратканалар К. Көлбаев атындагы тоннелдин түндүк жана түштүк тарабында салынат. Алар жеңил конструкциядан тургузулуп, ичинде ысык суу, ондон унитаз, экиден раковина болот. Ошондой эле мүмкүнчүлүгү чектелген жарандар үчүн да шарттар караламакчы. Эки даараткананын ар биринин аянты 47,7 чарчы метрди түзөт.
Курулуш иштерине 3 млн 292,8 миң сом кетет деп пландалууда.
Тендер боюнча арыздар 5-июлга чейин кабыл алынат.
