Канаттын кагылышы , мезгилдин чагылышы.
УКМК тарабынан тергөөгө чейинки текшерүү материалдарынын алкагында
Чүй облусунун Сокулук районундагы социалдык инфраструктуралык объектини
мыйзамсыз менчиктештирүү фактысы аныкталды.
Жүргүзүлгөн иш-чаралардын натыйжасында 1998-жылы Сокулук районунун
Шопоков шаарында жайгашкан бала бакча («Ата ЛТД» ЖЧКсына таандык) жеке
адамдар тарабынан мыйзамсыз менчиктештирилип кеткендиги аныкталды.
Учурда бала бакчанын жалпы аянты 0,70 гектар жана пайдалуу аянты 372,1
чарчы метр мамлекеттин балансына кайтарылды, анын баасы 35 миллион сомго
жакын.
КР УКМК мыйзамсыз менчиктештирилген объектилерди мамлекеттин
балансына кайтаруу боюнча иштерди улантууда.
