«Принцтин»бутунан өпкөн жабырлануучу эмне үчүн камалды?

Өспүрүмгө бутун өптүргөн сокулуктук “принцтин” иши боюнча күтүүсүз чечим чыкты

Бул окуяда “принц” эмес, жабырлануучу камакка алынган. Милиция жабыркады деген бала өзү чагымчылыкка барып, шектүүнү кылмышка түрткөнүн айтты.

Чүй облустук милициянын маалыматы боюнча, майда 19 жаштагы Ч.И. жана 16 жаштагы К.Ж. ортосунда келишпестик пайда болгон. Мындан кийин жабырлануучу шектүүнүн Б.А. аттуу карындашын (бир тууган эмес) “өлтүрөм” деп билдирүү жазып, коркуткан.

Укук коргоочулар кийин К.Ж. “принцти” жолугушууга чакырып, ал жерге өлтүрүү үчүн маки ала келгенин маалымдады. Бирок ниетин ишке ашыра албай, кайра өзү санга бычак жеген.

Аталган факт боюнча “Адам өлтүрүүгө даярдык көрүү” беренеси менен иш козголуп, тергөөнүн жүрүшүндө бардык СМС-жазышуулар, маки жана башка далилдер алынган. Натыйжада буга чейин жабырлануучу катары өтүп жаткан 16 жаштагы өспүрүм камакка алынган.