Канаттын кагылышы , мезгилдин чагылышы.
Президенттин иш башкаруучусу борбор калаада эле эмес, аймактарда да ипотекалык үйлөр куруларын белгиледи.
Жалал-Абадда алты жерде ипотекалык үйлөр курулууда. Бул тууралуу президенттин иш башкаруучусу Каныбек Туманбаев билдирди.
Маалыматка ылайык, аларда 2 744 батир болмокчу.
«Бүгүнкү күндө курулуш иштери кызуу жүрүүдө. Тааныш-билишти салып эч ким алдыңкы кезекке тура албайт, колунда барларга үч-төрттөн батир алганга жол бербейбиз», — деп жазган ал соцтармактагы баракчасына.
Ошондой эле ал ипотекалык үйлөр чыныгы муктаждарга берилерин кошумчалаган.
