Канаттын кагылышы , мезгилдин чагылышы.
Казакстандын Улуттук гвардиясына караштуу №6636 аскердик бөлүгүндө Темиртау шаарынан армияга чакырылган жоокердин сөөгү табылды.
Улуттук гвардиянын басма сөз кызматынын билдирүүсүндө жоокер «куралы менен өзүн башына атып алганы» жазылган. Окуя 9-октябрга караган түнү саат 1:20ларда болгон.
Мекемеден бул боюнча кызматтык тергөө башталып, окуянын чоо-жайын аныктоо иштери жүрүп жатканын кошумчалашты.
Өткөн жылдын башынан бери Казакстанда Куралдуу күчтөрдүн катарында кызмат өтөп жаткан ондон ашык жоокер каза болду.
