Канаттын кагылышы , мезгилдин чагылышы.
Социалдык тармактарда аял (мугалим болсо керек) окуучуларды урушуп жаткан видео тарады. Ал бүтүрүүчүлөрдү чөп оруп бүтүрмөйүнчө экзаменге кирбей турганын айткан.
«Бир сааттан кийин экзамен башталат, ага кирбейсиңер. Бардык окуучулар ушинтип жүрдү. Биз дагы экзаменге чейин бүтүргөнбүз, көрсөтүп андан кийин экзаменге кирчүбүз. Бүгүн экзамендин акыркы күнү, ага чейин бүтүрүш керек эле. […] Директор мага чөп чала орулуптур деп жазды. Эмнеге тил албайсыңар», — деген аял.
Бул видео кайда, качан тартылганы азырынча белгисиз. Билим берүү министрлиги видео боюнча маалыматты кийинчерээк берерин айтты.
