Канаттын кагылышы , мезгилдин чагылышы.
Бүгүн, 7-апрелде саат 8:45 чамасында Бишкектин кең Чүй көчөсүндө жайгашкан ЖЭБдин (ТЭЦ) алдында токтоп турган Тойота Харриер үлгүсүндөгү унааны белгисиз жарандар айдап кетти деген маалымат келип түшкөн. Бул тууралуу Жол кыймылынын коопсуздугун камсыздоо башкармалыгынан маалымдашты.
Бул факты боюнча Бишкек шаарынын аймагында “Тосмо” иш-мерчеми киргизилип, ыкчам издөө иш-аракеттери жүргүзүлүп, кайгуул кызматкерлери тарабынан кылмыш изи сууй электе кылмышка шектүү катары 2001-жылы туулган О.Ж. аттуу айдоочу кыз мас абалында унааны айдап бара жаткан жеринен кармалган. Азыркы учурда тергөө амалдарын жүргүзүү үчүн Свердлов райондук ИИБнин Тергөө кызматына жеткирилди.
