Канаттын кагылышы , мезгилдин чагылышы.
Түштүк регионду көзөмөлдөгөн ички иштер министрлигинин кызматкерлери
Баткен облусунун Кадамжай районундагы муниципалдык ишканалардын биринин
директорун кызматтык абалынан ири өлчөмдө кыянаттык менен пайдаланган
деген шек менен кармашты.
Тергөөнүн маалыматы боюнча 1982-жылы туулган А.А. аттуу жаран аталган
райондун муниципалдык ишканасынын директору болуп иштеп, банктагы жеке
кызыкчылыгынан пайда табуу максатында ишкананын эсебинде субсидия катары
түшкөн бир миллион сомду алып, акчанын бир бөлүгүнө «Мерседес-Бенц
Спринтер» автомашинасын сатып алып, өз атына каттатып, калган акча
каражатын өзүнө ыйгарып алган.
Бул факты боюнча Кадамжай РИИБдин тергөө кызматы тарабынан кылмыш иши
козголду.
Тергөө учурунда 1982-жылы туулган А.А. аттуу жаран шектүү катары
кармалып, Кыргыз Республикасынын Кылмыш-жаза кодексинин 337-беренеси
(кызмат абалынан кыянаттык менен пайдалануу) боюнча айыбы угузулган. Сот
тарабынан бөгөт коюуц чарасы камакка алуу түрү тандалды.
Кылмыш иши боюнча тергөө иштери уланууда.
