39 окуду

/Сокол Медиа/ — Кыргызстандын министрлер кабинетинин төрагасынын орун басары Бакыт Төрөбаев Өзбекстандын премьер-министринин орун басары Жамшид Ходжаев менен жолукту. Бул тууралуу министрлер кабинетинин басма сөз кызматы билдирет.

Жолугушууда Бишкек шаарында 2023-жылдын 26-27-январь күндөрү Кыргызстандын президенти Садыр Жапаров жана Өзбекстандын президенти Шавкат Мирзиёевдин жолугушуусунун жүрүшүндө, ошондой эле “Кыргызстан — Өзбекстан” бизнес-форумунун алкагында кол коюлуучу документтер боюнча сүйлөшүүлөр жүрдү.

“Кыргыз-өзбек мамилелери достуктун, жакшы коңшулаштыктын жана стратегиялык өнөктөштүктүн маанайында динамикалуу өнүгүп жатканын зор канааттануу менен белгилегим келет. Быйыл Кыргызстан менен Өзбекстандын ортосундагы эки тараптуу дипломатиялык мамилелердин орнотулгандыгынын 30 жылдыгын белгилейбиз. Бул убакыт аралыгында биз кызматташуунун узак жолун басып өттүк, Кыргызстан менен Өзбекстандын ортосундагы мамилелердин бүтүндөй комплекси үчүн фундаменталдуу негиз түздүк”, — деди министрлер кабинетинин төрагасынын орун басары Бакыт Төрөбаев.

Кыргызстан менен Өзбекстандын ортосундагы соода жүгүртүнүн көлөмү 2022-жылдын 11 айынын жыйынтыгы боюнча 500 млн доллардан ашып, өткөн жылдын ушул мезгилине салыштырмалуу 21%га өскөн. Эки өлкөнүн мамлекет башчыларынын койгон тапшырмасынын алкагында соода алмашуу жүгүртүүнүн көрсөткүчтөрүн 2 млрд долларга чейин жеткирүү пландалууда.

Ал эми Өзбекстандын премьер-министринин орун басары Жамшид Ходжаев “Кыргызстан менен Өзбекстандын ортосунда буга чейин жана мындан ары кол коюла турган биргелешкен макулдашууларды ишке ашырууну улантууга даяр экендигин билдирди. «Бул үчүн биздин өлкөлөрдүн бизнес коомчулугу бири-бири менен тыгыз байланышта иштеши зарыл”, — деди ал.

Белгилей кетсек, Өзбекстандын президентинин Кыргызстанга мамлекеттик сапарынын алкагында жана кыргыз-өзбек бизнес-форумунун жүрүшүндө айыл чарба, жеңил өнөр жай, курулуш, кайра өндүрүү сыяктуу бир катар документтерге кол коюлары күтүлүүдө.

от admin

Добавить комментарий

Ваш адрес email не будет опубликован. Обязательные поля помечены *

Текстти көчүрүп алууга болбойт