Кыргыз Республикасынын ИИМдин Күзөт кызматынын Бишкек шаарынын Биринчи май райондук күзөт бөлүмүнүн милиция батальонунун милиционери милициянын старшинасы Эржан Акылбек уулу Азия чемпионатында таяк-тартыш (Мас-рестлинг) боюнча 2023-жылдын 16-18-июнь күндөрү Монголия мамлекетинин Улан-Батор шаарында 8 өлкөнүн катышуусунда өткөн мелдешинде 3-орун коло медалына ээ болду.
Ошондой эле, Кыргыз Республикасынын Маданият, маалымат, спорт жана жаштар саясаты министрлигине караштуу дене тарбия жана спорт департаменти тарабынан өткөрүлгөн Ысык-Көл облусунун Корумду айылында VII Эл аралык “Кыргызстан бермети” аталышындагы спорттук фестивалында таяк-тартыш (Мас-рестлинг) боюнча милициянын старшинасы Эржан Акылбек уулу (105) кг салмагында 1-орун алтын медалына ээ болду.
Бишкек шаарынын Биринчи май райондук күзөт бөлүмүнүн башчысы милициянын подполковниги Сагынбек Орозалиев эртен мененки нускама учурунда Эржан Акылбек уулун куттуктап, белектерди тапшырды.
