Америкалык режиссер Риза Сандерс-Уир жергиликтүү кинорежиссерлор үчүн мастер- класстарды өткөрөт

Кыргыз Республикасындагы АКШ элчилиги American Film Showcase программасы менен
биргеликте америкалык режиссер-документалист Риза Сандерс-Уирдин «Gadget Girls» даректүү
тасмасын тартуулап, жолугушууларды жана талкууларды уюштурат. Бул тууралуу АКШнын Кыргызстандагы элчилигинен кабарлашты. 

2022-жылдын 20-24-июнуна чейин Америка борборлорунда жана Кыргыз Улуттук, Борбор Азиядагы Америкалык жана Нарын Мамлекеттик университеттеринин жана Кыргыз-Түрк Манас университетинин Медиа, ТВ
жана журналистика бөлүмдөрүнүн студенттери жана мугалимдери менен мастер-класстарды,
көргөзүүлөрдү жана талкуулар уюштурулмакчы. 
28 мүнөттүк Gadget Girls даректүү тасмасы жогорку класстын кыздарын илим, технология,
инженерия жана математика (STEM) тармагы менен тааныштырган “GADgET” жайкы лагери
тууралуу баяндайт. Даректүү тасмада техникалык илимдерди сүйгөн жана STEM багыты боюнча
насаатчылар менен иштешип, өз жөндөмдүүлүктөрүн өнүктүргөн кыздар тууралуу баяндалат.
Сандерс-Уир айым ошондой эле даректүү тасма тармагындагы тажрыйбасы менен бөлүшүү үчүн
жергиликтүү кинорежиссерлор үчүн семинарларды өткөрөт. Ал тарткан тасмалап MSNBC
(АКШ, Канада, Түштүк Африка жана Жакынкы Чыгышта жеткиликтүү америкалык кабелдик
телеканалы), PBS (америкалык телеберүү), History, National Geographic, CNBC (бизнес
жаңылыктары үчүн америкалык кабелдик жана спутниктик телеканалы), A&E, The Weather
Channel жана башка каналдарда көрсөтүлгөн. Сандерс-Уирдин жазуучу, продюсер жана даректүү
тасмалардын режиссёру катары эмгектери Эмми, Гюго жана Телли сыйлыктары менен
белгиленген. Ал Чикагодогу Колумбия колледжинде телепрограммаларды даярдоо, өндүрүш
жана карьераны башкаруу сыяктуу сабактарды берет. Мындан тышкары ал иликтөчү катары
даректүү тасмалар, социалдык укук жана тарыхый адилеттүүлүк темаларына кызыгат.
АКШнын Кыргызстандагы элчилиги АКШнын Мамлекеттик департаменти каржылаган American
Film Showcase программасынын алкагында Риза Сандерс-Уирди Кыргыз Республикасына
чакырды. Бул программа көрүүчүлөргө ар кайсы фестивалдарда көз карандысыз даректүү,
көркөм тасмалар жана даректүү ноу-хаулар сыяктуу сыйлыктарга ээ болгон режиссёрлорду
тасмалары аркылуу элге Американын маданияты жана коому менен таанышуу мүмкүнчүлүгүн
берет. Бул Америка киносу аркылуу эл аралык аудиторияга жетүү үчүн АКШнын Мамлекеттик
билим берүү жана маданият бюросу менен USC кинематографиялык искусство мектебинин
ортосундагы өнөктөштүктүн натыйжасы.
American Film Showcase (AFS) расмий сайты: https://americanfilmshowcase.com/
U.S. Embassy Kyrgyz Republic Press Service
171 prospect Mira
Bishkek 720016
Kyrgyz Republic

Tel.: +996 (312) 597-000
Fax: +996 (312) 597-737
E-mail: BishkekPAS@state.gov
Internet: http://kg.usembassy.gov

SENSITIVE BUT UNCLASSIFIED

Иш-чараны чагылдырууга кызыккан ЖМК өкүлдөрү АКШнын Кыргызстандагы элчилигинин
басма-сөз кызматы менен BishkekPAS@state.gov дарегинде же 0312 597000, 0770 770299 телефон
номурлары аркылуу байланыша алат.

Читайте также:

Добавить комментарий

Ваш адрес email не будет опубликован.