Жапаров: Жээнбековдон 1 миллион доллар алмак түгүл бир доллар алган жокмун

Президент Садыр Жапаровдун камакта отурган мурдагы тарапташыңыз Мелис Аспеков бир катар айыптоолорду айтып чыккандыгына байланыштуу «Азаттык» президенттен бул айыптоолор тууралуу сурады.

Азаттык:  Сиздин дарегиңизге камакта отурган мурдагы тарапташыңыз Мелис Аспеков бир катар айыптоолорду айтып чыкты. Ал сот отурумунда сизден убагында миллион доллар алганын, акчаны өз кезегинде сизге Сооронбай Жээнбеков бергенин жарыялады. Бул жагдай шайлоодогу мыйзам бузуулар боюнча шек саноолорду жаратчудай. Чынында эле Сооронбай Жээнбеков сизге ири суммада акча берди беле?

Жапаров: Сооронбай Жээнбековдон бүгүнкү күнгө чейин 1 миллион доллар алмак түгүл бир доллар алган жокмун. Кудай өзү көрүп турат. Ал эми Мелис Аспеков болсо шайлоо убагында мени сурап жатат деп ар кимден акча чогултуп кармалган. Ошол үчүн камакта жатат.

Читайте также: