Ошто мечиттерге уурулук кылып жүргөн жаран кармалды

Ош шаарында мечиттерде уурулук жасап жүргөн 23 жаштагы жаран кармалды. Бул тууралуу Ош ШИИБинен билдиришти.

Маалыматка ылайык, Ош ШИИБинин Сулайман-Тоо милиция бөлүмүнүн кызматкерлери Ош облусунун Ноокат районунун 23 жаштагы тургунун уурулукка шектүү катары кармашты. Бул жигит акыркы 4-5 ай аралыгында Ош шаарынын аймагында жайгашкан мечиттерден уурулук жасап, анын сырткы келбети милицияга белгилүү болуп, издөөдө жүргөн.

Учурда анын үстүнөн 11 арыз катталган. Өзүнүн берген көрсөтмөсүнө караганда ал уурулук иштерин ар аптанын жума күндөрү, жума намазы учурунда мечиттерде жасаган.

Кире беришке койгон башкаларга таандык сумка-пакеттерди өз буюму катары алып чыгып кетип жүргөн. Айтуусуна караганда ал «Аль-Бухари», « Сулайман тоо», «Мажүрүм тал» мечиттеринен уурулук жасап турган. Акча, телефондорду алып, өз кызыкчылыгына иштетип, сумка-баштыктардан табылган документтерди. Керексиз буюмдарды Ак-Буура дарыясына ыргытып жиберип жүргөн. Айрым далил буюмдар жанынан чыккан.

15-май күнү Ош шаардык соту тарабынан шектүүнүн баш коргоо чарасы каралып, аны 2 айга камакта калтыруу чечими чыккан.

Анын үстүнөн “уурулук” беренеси менен иш козголгон.

Бул жарандан жабыркагандар болсо 102 же 0701-00-16-74 номерлери аркылуу байланышып коюуну милиция кызматкерлери өтүнөт.

Читайте также:

Добавить комментарий

Ваш адрес email не будет опубликован.