Эшектерди Кытайга чыгарууга уруксат алып берем деп. Бишкекте чиновник пара алууга шектелип кармалды

КР УКМК тарабынан ыкчам-издөө иш-чараларынын жүрүшүндө КР Министрлер Кабинетинин төрагасынын биринчи орун басары А.О.Кожошевдин кеңешчиси кармалды. Бул тууралуу аталган мекеменин маалымат кызматы билдирди. 
КР УКМК тарабынан КР Өкмөтүнө караштуу Ветеринардык жана фитосанитардык коопсуздук боюнча мамлекеттик инспекциясынын экс-жетекчиси Ы.Т.К. пара алуусу боюнча кылмышка шектелүүдө.
Буга чейин, 2016-жылы Башкармалыктын мурдагы жетекчиси Ы.Т.К. чет элдик ишкер С.С.дан эшектерди Кыргыз Республикасынан Кытай Эл Республикасына алып чыгууга уруксат берүү маселесин чечип берерин убада кылып, 70 миң АКШ доллары өлчөмүндө акча каражатын алган. Ошол эле учурда С.С. аттуу ишкерге уруксат документтерин көрсөтүшкөн эмес жана акчасын кайта кайтарып берген эмес.
Бул факт КР Кылмыш-жаза кодексинин 342-беренеси (Пара алуу) боюнча кылмыштардын негизинде кылмыштардын бирдиктүү реестрине катталды.
2022-жылдын 14-майында КР УКМК тарабынан каражаттардын бир бөлүгүн С.С. аттуу ишкерге кайтарып берүү учурунда пара менен Ы.Т.К. кармалган.
Маалым болгондой, кармалган Ы.Т.К. азыркы учурда Кыргыз Республикасынын Министрлер Кабинетинин Төрагасынын биринчи орун басары А.О. Кожошевдин кеңешчиси экендиги аныкталды.
Учурда КР МУКК тарабынан бул кылмышты жасоого катыштыгы бар адамдарды аныктоого багытталган комплекстүү тергөө-ыкчам иш-чаралары жүргүзүлүүдө.

Читайте также:

Добавить комментарий

Ваш адрес email не будет опубликован.