Кимге канча кошулат? Ак халатчандардын айлыгы 50%га көтөрүлдү

1-апрелден тарта саламаттыкты сактоо тутумундагы иштеген кызматкерлердин маяналары орточо 50 пайызга чейин жогорулайт. Бул тууралуу  Саламаттыкты сактоо министрлиги билдирди. 

Билдирүүгө ылайык, кызматкерлер жогорулатылган маяналарын 25-апрелден баштап ала баштайт. Бардык кошумча акылар (айыл жерлери, бийик тоолуу аймактар, илимий даражалар, эмгек стажы, категориялар) сакталып, маянага кошулат.

Кошумча каражат кызматкердин эмгек стажысына карата кошулат:

5 жылдан 10 жылга чейин — 10 пайыз;

10 жылдан 15 жылга чейин — 20 пайыз;

15 жылдан көп иштегендер — 30 пайыз.

Эскертүү: кенже тейлөөчү персоналдарды кошкондо.
Квалификациялык категория боюнча коөөйтүлгөн каражат төмөнкүдөй өлчөмдө белгиленет:
— жогорку квалификациялык категория — 50 пайыз;

— I квалификациялык категория – 30 пайыз;

— II квалификациялык категория – 10 пайыз.

Эскертүү: саламаттык сактоо уюмдарынын кызматкерлерине квалификациялык категория ыйгаруу аттестациянын негизинде жүргүзүлөт. Саламаттык сактоо уюмдарынын жетекчилерин, адистерин аттестациялоо Саламаттык сактоо министрлигинин буйругу менен бекитилген аттестациялоону жүргүзүүнүн тартиби жөнүндө жобого ылайык жүргүзүлөт.
Толук эмес жумуш убактысынын категориясы боюнча үстөк акы айкалыштырылган кызматтын категориясын эске алуу менен төлөнөт.

Мисалы:

1) айылдык ооруканада 6 жылдык стажы бар, бирок квалификациялык категориясы жок дарыгер 9001 сом маяна алса, эми 13 518 сомго чукул айлык алат. (Эмгекке катышуу коэффициентин эсепке албастан).

2) жогорку квалификациялык категориясы бар, 17 жылдык стажысы менен эмгектенген дарыгердин маянасы 14 252 сом болсо, жогорулатылган айлыгы 21 403 сомго чукул болот. (Эмгекке катышуу коэффициентин эсепке албастан).

3) шаардык поликлиникада иштеген, стажы жана квалификациялык категориясы жок жаш үй-бүлөлүк дарыгер 10 миң сом айлык алса, эми 15 136 сомго чукул маяна алат. (Эмгекке катышуу коэффициентин эсепке албастан).

4) айыл жергесинде жогорку квалификациялык категориясы жана 17 жылдык стажысы бар үй-бүлөлүк дарыгер 19 миң сом маяна алса, эми 28 миң 758 сомго жакын айлык алат. (Эмгекке катышуу коэффициентин эсепке албастан).

Читайте также: