Ысык-Көлдө мектепке кетип, үйүнө келбей калган 14 жашар өспүрүм, милиция кызматкерлери тарабынан табылды

Sokol.media- 19-октябрь күнү болжол менен саат 16.00 чамаларында Ысык-Көл РИИБне 47 жаштагы Бостери айылынын тургуну кайрылып, анын 14 жаштагы уулу эртеӊ менен мектепке кетип, кайра үйгө кайтпагандыгын билдирген.
Аталган мекеменин басма сөз кызматынын билдирүүсүнө ылайык, бул факт, райондук милициянын маалымат электрондук журналына катталып, өздүк курамы болсо жаш өспүрүмдү издөөгө тартылган. 
Издөө иштеринин жүрүшүндө Ысык-Көл РИИБдин жаш өспүрүмдөр менен иштөө инспекциясынын милиция кызматкерлери, дайынсыз жоголгон өспүрүмдү, түн орстосунда Чолпон-Ата шаарынын күнү-түнү иштеген дүкөндөрүнүн биринде табышты. Жүргүзүлгөн профилактикалык баарлашуудан кийин, өспүрүм ата-энесине кайтарылып берилди.
Учурда, өспүрүмдүн үйдөн ата-энесине айтпай кетип калуусунун жагдайлары аныкталууда.

Читайте также: