Кыргыз фондулук биржасы Санкт-Петербург товардык биржасы менен келишимге кол койду

Бишкек, 20.08.2021 Sokol.media

Кыргыз фондулук биржасы (КФБ) Санкт-Петербург эл аралык товардык биржасы («СПбМТСБ») менен технологиялык жана маркетингдик кызматташуу жөнүндө Макулдашууга кол койду. Бул тууралуу Ысык-Көлдө өтүп жаткан III Кыргыз-Орус бизнес форумунун алкагында белгилүү болду.
Документке кыргыз тараптын атынан – КФБнын президенти Медет Назаралиев, орус тараптан – «СПбМТСБ» президенти Алексей Рыбников кол койду.
«Документтин негизги максаты – Кыргызстан менен Санкт-Петербургдун ишкерлеринин ортосундагы биржалык соода тармагындагы кызматташуунун жаңы формаларын колдонуу менен ишкердик активдүүлүктү өнүктүрүү. Ушул максатта биз технологиялык жана маркетингдик иш-чараларды жакшыртуу, ошондой эле ЕАЭБдеги товардык рыноктун экономикалык потенциалын жогорулатуу боюнча биргелешип иштөө ниетибиз бар», – деди Назаралиев.

Читайте также:

Добавить комментарий

Ваш адрес email не будет опубликован.