Кыргызстандын футболчулары Азия кубогуна даярдана баштайт

Бишкек, 09.08.2021 Sokol.media

Футбол боюнча Кыргызстандын улуттук командасы Бишкектеги борбордук стадиондо оюн өткөрөт. Бул тууралуу өлкөнүн Футболдук союзунун маалымат кызматы билдирди.

Башкы команда Азия кубогу-2023 мелдешине даярдыктын алкагында өз үйүндө жолдоштук беттештерди өткөрөт.

“Улуттук курама команда узак тыныгуудан кийин өз аренасына кайтып келет. Азия кубогу-2023 тандап алуу оюндарына даярдык көрүү үчүн улуттук курама бир нече жолдоштук беттештерди өткөрөт. Биринчи беттеш Палестина улуттук курамасы менен болот”, — деп айтылат маалыматта.

Оюн 2-сентябрда Бишкек шаарындагы Дөлөн Өмүрзаков атындагы стадиондо өтөт. КФУ күйөрмандардын оюнга кирүүсү, билеттер тууралуу кененирээк маалыматты кийинчерээк айтарын билдирди.

Эске салсак, Кыргызстан өз талаасында акыркы расмий беттешин 2019-жылдын 19-ноябрында Дүйнө чемпионатынын тандоо турунун алкагында Тажикстандын курама командасы менен өткөргөн. Беттеш 1:1 менен аяктаган.

Читайте также:

Добавить комментарий

Ваш адрес email не будет опубликован.