Бишкекте 46 жаштагы аял «Sputnik V» вакцинасын алгандан кийин каза болду

Бишкек, 22.07.2021 Sokol.media 

46 жаштагы Назгүл Исакова коронавируска каршы «Спутник V» вакцинасы менен эмделгенден кийин каза болду. Бул тууралуу маркумдун туугандары билдиргенин АКИpress агенттиги жазып чыкты.

Агенттиктин маалыматына ылайык, Исакова «Спутник V» вакцинасынын биринчи дозасы менен 19-июлда эмделгенин, андан кийин дене табы көтөрүлгөн.

«Эки күн төшөктө жатты, кан басымы 30га чейин түшүп кетти. Тез жардам кызматы Бишкек шаардык ортопедия жана травматология илимий-изилдөө борборунун токсикология бөлүмүнө жеткирген. Бүгүн, 22-июлда эртең менен каза болуп калды. Азыр соттук-медициналык экспертиза дайындалды», — деп билдиришти маркумдун туугандары.

Бишкек шаардык ортопедия жана травматология илимий-изилдөө борборунун башчысынын орун басары Бакыт Исаков АКИpress агенттигине Исакова аллергиялык реакция менен түшкөнүн айтты.

Ал эми саламаттыкты сактоо жана социалдык өнүктүрүү министринин орун басары Улук-Бек Бектурганов АКИpress агенттигине Исакова «Спутник V» вакцинасы аркылуу эмделгенин тастыктады.

«Бирок азырынча маркум вакцинанын айынан көз жумду деп айтууга болбойт. Азыр комиссия иштеп жатат, соттук-медициналык экспертиза жүрүп жатат. Бардык деталдар иликтенет. Өлүмүнүн себеби азырынча аныктала элек», — деди ал.

Назгүл Исакова Бишкекке Кара-Көл шаарынан келген. Вакцина менен борбор калаадан эмделген.

Булак: АКИpress агенттиги

 

Читайте также:

Добавить комментарий

Ваш адрес email не будет опубликован.