Депутат карышкыр, чөө аткандарга сый акыны көбөйтүү талабы коюлуп жатканын айтты

Бишкек, 05.07.2021 Sokol.media

Депутат Бейшеналы Нурдинов карышкыр, чөө аткандарга сый акыны көбөйтүү сунушталып жатканын айтты. Бул тууралуу ал «Парламент» радиосуна билдирди.

Анын айтымында, эл арасында карышкыр атып алгандарга 6 миң сом, чөөнү жок кылгандарга 2 миң сом сый акы берилчү.

«Азыр ушул сумманы жогорулатуу талабы коюлууда. Карышкыр аткандарга 10 миң сом, ал эми чөөдөн куткаргандарга 5-6 миң сом болсун.

Аркар, кулжалар көбөйгөндө, карышкырлар да капталдан чыгып, катарын көбөйтүүдө. Эгер жаратылыштагы жапайы жаныбарларды сактайлы, — десек тартипти тең орнотуу зарыл. Мисалы, аркар, кулжа атып алгандарга салына турган айып бери жагы 10 миң доллар. Ал эми аларга кол салган жырткычтарды атып алганың үчүн сый акы болуп – болбогон акча. Ошондуктан, айбаттуу жаныбарлардын жайыттарга жай баракат кирип келишине каршы турган мергенчилердин мээнетин адилет баалоо керек.

Иштелип чыккан токтомго ылайык, карышкыр аткандарга каралган сый акы 10 миң сом, чөөлөргө 5 миң сом, бөлтүрүктөргө 2,5 миң сом төлөнөт. Ал эми алардын териси баалуу, эти шыпаа болгондуктан алар ошол мергенчинин менчигинде кала берет”, — деди депутат.

Читайте также:

Добавить комментарий

Ваш адрес email не будет опубликован.