Россия-кыргыз өнүктүрүү фонду ишкерлерди каржылоосун жандантты

Бишкек, 02.07.2021 Sokol.media

Россия-кыргыз өнүктүрүү фонду 1-июлдан тарта долбоорлорду кайрадан каржылоосун баштады. Мындай чечим Москва шаарында мекеме төрагасы Артём Новиков менен Фонд кеңешинин башчысы, РФтин финансы министринин орун басары Тимур Максимовдун жолугушуусунда кабыл алынганын КРӨФ маалымат кызматынан билдиришти.

Жолугушууда Артём Новиков учурда фондду модернизациялоо, корпоративдик башкаруу принциптеринин күчөтүлүшү, Кыргызстандан ишкерлерди колдоо боюнча жаңы долбоорлор тууралуу маалымат берди.

Ал эми Тимур Максимов Кыргызстандагы саясий абалдын турукташканын эске алуу менен жаңы долбоорлорду каржылоого убакыт келгенин белгиледи.

Тараптар эл иш менен камсыз болуп, өлкөнүн эл аралык аренадагы позициясы бекемделиши үчүн экономикага салым кошуу зарылдыгын белгилешти.

Аталган фонд 2014-жылы Кыргызстан менен Россиянын өкмөттөр аралык келишиминин негизинде түзүлгөн. Баштапкы капитал катары Россия тарап кайтарымсыз негизде 500 миллион доллар салган.

Булак: NazarNews.kg

Читайте также:

Добавить комментарий

Ваш адрес email не будет опубликован.