Садыр Жапаров Түркмөнстандын Эгемендүүлүк монументине гүлчамбар койду (сүрөт)

Бишкек, 28.06.2021 Sokol.media

Президент Садыр Жапаров бүгүн, 27-июнда, Түркмөнстанга расмий иш сапарын өлкөнүн туңгуч Президенти Сапармурат Ниязовдун күмбөзүнө жана «Turkmenbashynin Ruhy Metjidi» («Түркмөнбашынын рухий мечити») мечитине зыярат кылуудан баштады. Бул тууралуу президенттин басма сөз кызматы билдирди.

Күмбөз менен мечит Ашхабад шаарына жакын жерде, Сапармурат Ниязов туулган Кыпчак айылында жайгашкан.

Күмбөздө Президент Садыр Жапаров Ардактуу кароол ротасынын коштоосунда Сапармурат Ниязовдун 1948-жылы Ашхабаддагы жер титирөөдө каза болгон энеси менен эки бир тууганынын элесине арналып тургузулган эстеликке гүлчамбар койду. Сапармурат Ниязов өзү да ушул жерге коюлган.

Түркмөнстандын муфтийи Ялкап Хожагулыев каза болгондорго багыштап куран окуду.
Алардын жаркын элесине таазим эткен соң, Мамлекет башчысы 10 миңдей адам бата турган өлкөдөгү эң чоң мечит – “Түркмөнбашынын рухий мечити” менен таанышты.

Андан кийин Садыр Жапаров Ардактуу кароол ротасынын коштоосунда Түркмөнстандын Эгемендүүлүк монументине гүлчамбар коюп, бул жердеги Ардактуу меймандар аллеясына бак отургузду. Аллея Түркмөнстандын жүргүзүп жаткан тынчтык, достук жана ынак коңшулук саясатын символдоштурат.

Читайте также:

Добавить комментарий

Ваш адрес email не будет опубликован.