Алмамбет Шыкмаматов: Министрлер кабинетинде 250 инвестициялык долбоор бар

Бишкек, 23.06.2021 Sokol.media

Президент Садыр Жапаровдун 23-июнда ишкер чөйрөнүн өкүлдөрү менен жолугушуу жыйынында инвестицияларды илгерилетүү жана коргоо министри Алмамбет Шыкмаматов Министрлер кабинетинде 250 инвестициялык долбоор бар экенин билдирди.

Ал энергетика, айыл чарба тармагында даярдалган 50 долбоорду ишкерлерге сунуштады.

Шыкмаматов Камбар-Ата ГЭСи, Каракол кичи ГЭСтери жана Таластагы соода-логистикалык борборду куруу үчүн даярдалган долбоорлорду тааныштырды.

Белгилей кетсек, 29-январда президент Садыр Жапаров «Менчикти коргоо жана ишкерлер менен инвесторлорду колдоо жөнүндө» жарлыкка кол койгон.

Анда ишкердик субъекттеринин ишине укук коргоо, фискалдык жана көзөмөлдөөчү органдардын негизсиз кийлигишүүсүн токтотуу тууралуу айтылат.

 

Читайте также:

Добавить комментарий

Ваш адрес email не будет опубликован.