1-июлдан тарта Орусияга кирүү «COVIDсиз саякатта» тиркемесине ылайык жүргүзүлөт

Бишкек, 19.06.2021 Sokol.media

Ыкчам штаб Орусияга киргенде «COVIDсиз саякатта» тиркемесин милдеттүү түрдө колдонууга өтүүнү колдоду. Бул тууралуу Орусиянын вице-премьер-министри Алексей Оверчук «Российская газетага» берген маегинде билдирди.

«Биз бул тууралуу ЕАЭБдеги кесиптештерибизге апрель айында эле айта баштадык, алар дагы даярданып жатышты. Биримдиктин бардык мүчө-мамлекеттеринин жарандары үчүн мобилдик тиркеменин жардамы менен Орусияга кирүү мүмкүнчүлүгү кайтып келди жана аны милдеттүү түрдө колдонуу бизге кирген адамдардын негизги агымдарын жабууга мүмкүндүк берет жана ошону менен биздин өлкөгө вирус кирип кетүү коркунучун төмөндөтөт», — деди Алексей Оверчук.

Ошол эле учурда, ал ЕАЭБ жана КМШнын мүчөсү болбогон мамлекеттер менен да иш жүргүзүп жаткандыгын белгиледи. Орусиянын Тышкы иштер министрлиги, Роспотребнадзор жана Евразия Өнүктүрүү Банкы менен биргеликте, чет элдик элчилер үчүн брифинг өткөрүп, алар бул тиркеме менен тааныштырышкан. 

«Биз башка мамлекеттерге да бул тиркемеге кошулууну сунуш кылдык, алардын кызыгуусу бар. Жакында эле ЕАЭБге мүчө эмес Тажикстан бул тиркемеге кошулду. Ошентип, буга чейин алты өлкө тутумга туташкан. Бул санарип платформасына бир гана биздин аймактан эмес, дүйнөнүн башка өлкөлөрү дагы кошулса жакшы болот», — деп сөзүн жыйынтыктады Алексей Оверчук.

Читайте также:

Добавить комментарий

Ваш адрес email не будет опубликован.