Бишкекте өзүнөн 3 жаш улуу көлдүк кызды ала качкан жаран кармалды

 Бишкек, 05.04.2021 Sokol.media 

Бишкек шаарында никеге туруу максатында адам уурдоого шектелген жаран аныкталды. Бул тууралуу Милициянын кайгуул кызматынын басма сөз кызматынан билдиришти.

Маалыматка ылайык, 2-апрелде болжол менен саат 23:40 чамасында 102 кызматына эркине каршы кызды ала качып кетишкен деген маалымат келип түшкөн.

«Айтылган дарекке милициянын кайгуул кызматкерлери барып, маалыматты тактаганда 1996-жылы туулган кыз арыз менен кайрылган. Анда арыз ээсин эркине каршы чала тааныш жаран достору менен Ысык-Көлдөн никеге туруу максатында Бишкек шаарына ала качып келгенин жазган.

Кайгуул кызматкерлери тарабынан кылмышка шектүү катары 1999-жылы туулган жаран кармалып, Октябрь РИИБинин тергөө кызматына өткөрүлүп берилген. Бул факты боюнча Кылмыштардын жана жоруктардын бирдиктүү реестрине катталып, сотко чейинки өндүрүшкө алынды», — деп жазылат билдирүүдө.

 

Читайте также:

Добавить комментарий

Ваш адрес email не будет опубликован.