Бекитилген жерден курал жарак жана ок-дарылар табылды

Бишкек, 31.03.2021 Sokol.media Бегимай Керимова

Курал жарак жана ок-дарылардын бекитилген жери табылды. Бул тууралуу УКМКнын маалымат кызматы билдирди. 

Кыргыз Республикасынын УКМК Чүй облусунда уюшкан кылмыштуу топторго жана курал-жарактын, ок-дарылардын жана жардыргыч заттардын мыйзамсыз жүгүртүлүшүнө каршы күрөшүү боюнча иш-чаралардын жүрүшүндө курал-жарак жана ок-дары сакталган жер табылды.
Жашырылган жерден номерлери өчүрүлгөн жана гильзалары бар Калашников АК-47 автоматы табылып алынды.
Алдын ала маалыматтар боюнча, алынган курал-жарак жана ок-дарылар тоноого катышкан кылмышкерлерге таандык болушу мүмкүн.
Учурда УКМК табылып алынган куралды жана ок-дарыларды мыйзамсыз сактоого тиешеси бар адамдарды аныктоо боюнча тиешелүү чараларды көрүп жатат.

Читайте также:

Добавить комментарий

Ваш адрес email не будет опубликован.