Лейлек районунда куюн үйлөрдүн чатырын талкалады

Бишкек, 01.05.2020. Sokol.mediа  

Баткенде катуу куюндун кесепеттерин жоюу иштери жүрүп жатат. Өзгөчө кырдаалдар министрлигинин маалыматына караганда, 30-апрелге караган түнү Лейлек районунда ылдамдыгы секундасына 28-33 метрге жеткен шамал жүрдү.

Куюндун кесепетинен жети орто мектептин (75 даана шифер), 33 үйдүн (476 даана шифер) жана 15 чарба курулушунун (248 даана шифер) чатыры талкаланды.

Өзгөчө кырдаалдар министрлигинин райондук бөлүмү жаратылыш кырсыгы келтирген зыянды эсептеп жатат.

Адамдар жабыркаганы тууралуу маалымат жок.

Соңку күндөрү Кыргызстанда жаан жана тоолордо кар жаап, туруксуз аба ырайы болууда. 

Булак: Азаттык

Буларды дагы окуңуз / Читайте также:

Добавить комментарий

Ваш адрес email не будет опубликован. Обязательные поля помечены *