AI: Айрым өлкөлөрдө COVID-19га каршы «репрессиялык» чаралар көрүлүүдө

Нур-Султан шаарындагы эшиктери тосулган көп кабаттуу үй

Бишкек, 29.04.2020. Sokol.mediа  

Чыгыш Европа жана Борбор Азия өлкөлөрүнүн өкмөттөрү COVID-19 пандемиясына каршы адам укуктарын бузган, репрессиялык чараларды көрүүдө. Бул тууралуу эл аралык Amnesty International укук коргоо уюмунун 29-апрелде жарыяланган баяндамасында айтылат.

Изилдөөнүн авторлору Чыгыш Европада жана Борбор Азияда жайгашкан мурдагы СССР өлкөлөрүндөгү абалга анализ жүргүзүшкөн.

Укук коргоочулар аймактагы айрым өлкөлөрдө бийлик пандемияны чексиз ыйгарым укук катары кабыл алып, адам укуктарын бузуп жатышканын белгилешти. Алардын айтымында, Казакстанда бийлик тургундарды сыртка чыгарбаш үчүн көп кабаттуу үйлөрдүн эшиктерин ширетип, Чеченстанда полиция кызматкерлери беткап тагынбаган жарандарды сабап жатышат.

Баяндамада медициналык жайларды оптималдаштыруунун алкагында Орусияда ооруканалар менен дарыгерлердин саны кыскартылып, коргонуу каражаттары менен дары жетишсиздигине даттанган медиктерге карата административдик кысым болуп жатканы белгиленген.

«Чыгыш Европа жана Борбор Азия өлкөлөрүнүн көбүндө бийлик өзүнө карата айтылган сындарды токтотуу үчүн репрессиялык ыкмаларга барып жатышат. Аймакта социалдык түйүн колдонуучулары, журналисттер жана медицина кызматкерлери жоопкерчиликке тартылган учурлар көп катталды», — деп жазылган баяндамада.

Буларды дагы окуңуз / Читайте также:

Добавить комментарий

Ваш адрес email не будет опубликован. Обязательные поля помечены *