Трамп: Кытай вирустун жайылуусуна атайылап жол берген болсо, оор кесепеттерге кабылышы мүмкүн

Бишкек, 20.04.2020. Sokol.mediа  

АКШ коронавирус инфекциясынын кандай шартта жайылгандыгы боюнча тергөө жүргүзөт. Бул тууралуу Кошмо Штаттардын президенти Дональд Трамп вируска каршы күрөшүүгө арналган Ак үйдөгү брифинг маалында билдирди.

«Кытай кокустан ката кетирген болушу мүмкүн. Мындай болсо аны күнөөлөөгө болбойт. Бирок бул ишке атайылап барган болсо, анда Бээжин оор кесепеттерге кабылышы мүмкүн. Вирусту Кытайда токтотууга мүмкүн болчу, эми азыр бүткүл дүйнө жабыркап жатат», — деди президент.

Өз сөзүндө Трамп коронавирустан Кытайда 4 миңден ашык киши өлгөндүгү тууралуу Бээжиндин расмий статистикасына ишенбей турганын дагы бир жолу билдирди.

Өткөн жумада америкалык Fox News телеканалы анонимдүү булактарына таянып, коронавирусту алгачкылардан болуп жуктуруп алган адам Кытайдын Ухань шаарындагы Вирусология институтунун кызматкери болгонун билдирген. Ал илдетти лабораторияда иштеп жатканда жарганаттан жуктуруп алып, кийин шаарга алып чыкканы айтылган. Мындан тышкары телеканал вирус жасалма жол менен пайда болгонун жана атайылап таратылганын белгилеген.

Дүйнөдөгү вирусолог-адистердин көбү вирус табигый жол менен пайда болгонун билдиришүүдө. Кытайдын Тышкы иштер министрлигинин өкүлү Чжао Лицзянь коронавирустун жасалма жол менен пайда болгондугу тууралуу версия эч кандай далилдер менен негизделбегенин айткан.

Буларды дагы окуңуз / Читайте также:

Добавить комментарий

Ваш адрес email не будет опубликован. Обязательные поля помечены *