Өзбекстанда жыл аягына чейин күйүүчү май менен газ кымбаттабайт

Бишкек, 02.04.2020. Sokol.mediа  

Өзбекстанда жыл соңуна чейин күйүүчү май менен газдын баасы жогорулабайт. Бул тууралуу өлкөнүн Каржы министрлиги билдирди.

«Кабыл алынган чечимге ылайык, жыл аягына чейин алкоголдук ичимдиктердин акциздик салыгы, ошондой эле бензинди, дизелди жана газды акыркы керектөөчүгө сатуудагы акциздик салык көлөмү жогорулатылбайт», — деп жазылган мекеменин билдирүүсүндө.

«Өзбекстан Республикасынын 2020-жылга карата мамлекеттик бюджети тууралуу» мыйзамга ылайык, күйүүчү май менен газдын баасы быйыл 1-апрелде көтөрүлүшү керек болчу.

Өлкөдө акыркы жолу газдын, электр энергиясынын, муздак жана ысык суунун тарифи, ошондой эле коомдук транспорттогу жол кире акысы 2019-жылы 15-августта жогорулаган.

Буларды дагы окуңуз / Читайте также:

Добавить комментарий

Ваш адрес email не будет опубликован. Обязательные поля помечены *