Өзбекстанда мечиттерде намаз окууга убактылуу тыюу салынды

Бишкек, 17.03.2020. Sokol.mediа

Өзбекстанда эпидемиологиялык абал турукташмайынча мусулмандар жума намазын жана ар күнкү беш убак намазын үйлөрүндө окушу керек. Бул тууралуу өлкөнүн Мусулмандар дин башкармалыгы чыгарган фатвада айтылат.

Муфтияттын билдирүүсүнө ылайык, фатва коронавирус аныкталган өлкөлөрдөгү ислам уюмдарынын жана окумуштуулардын чечимдеринин негизинде кабыл алынды.

Муфтияттын маалыматына караганда, мечиттер жабылбайт, мурдагыдай эле азан айтылып турат. Бирок мечиттердин кармагындагы ашканалардын иши убактылуу токтотулуп, куран окутуу, аш берүү жөрөлгөлөрү өткөрүлбөйт.

Ал арада Казакстандын мечиттеринде да жума намазын окуу убактылуу токтотулду. Бул тууралуу өлкөнүн Мусулмандар дин башкармалыгы 16-мартта билдирген.

Буларды дагы окуңуз / Читайте также:

Добавить комментарий

Ваш адрес email не будет опубликован. Обязательные поля помечены *