Кыргызстандан Казакстанга мыйзамсыз беткап ташып бараткан жүк ташуучу унаа кармалды

 Бишкек, 13.03.2020. Sokol.mediа Бегимай Керимова

13-мартта «Чон-Капка» көзөмөл-өткөрмө бекетинен Кыргызстандан Казакстанга мыйзамсыз товар ташып бараткан жүк ташуучу унаа кармалды. Бул тууралуу Мамлекеттик чек ара кызматы билдирди.

Кыргызстандык жарандын автоунаасын текшерүү учурунда кургатылган жемиштердин алдына катылган 95 миң 600 медициналык беткап табылды. Кармалган товардын жалпы наркы – 1 миллион 400 миң сом.

Мамлекеттик чек ара кызматы 3-февралда өкмөт алты айга чейин дары-дармек жана медициналык каражаттарды Кыргызстандан тышка чыгарууга тыюу салганын белгиледи.

Буга чейин өкмөт өлкөдө медициналык беткап жетишсиз болуп жаткандыктан, жергиликтүү ишканалар аны өндүрүүнү баштаганын билдирген.

Буларды дагы окуңуз / Читайте также:

Добавить комментарий

Ваш адрес email не будет опубликован. Обязательные поля помечены *